على الله منزل التوراة والقرآن والانجيل

على الله منزل التوراة والقران والانجــيل
توكلــــــنا ونصر من توكل فيه سبحانه


مكيدالكفر ومدير الهبايب هازم اهل الفيـل
حمى يوسف من الذيب ومن البير ومن اخوانه


امر زمزم وفاح الما لهاجر واسقت اسماعيل
بواد غير ذي زرع جفاف وشـــحت امزانه


وبنى فيه الخليل البيت بالتكبــير والتهليل
وبلغ صوته حـدود الارض لبوا دعوة اذانه


وهب مريم بروح الله ومبعوث لبني اسرائيل
متوج بالنبوة في المهاد وينطق لســــانه


وبعث فينا محمد واصـطفاه وخاطبه جبريل
ختام الانبيا ختم النبــــوة حمل امتانه


نبي مثل ماقال الاله فمــــحكم التنزيل
بعثه الله للثـــــقلين والقران برهانه


شــفيع الخلق يوم الكيل والله عالم بالكيل
فرق من زاد ميزانه على من خف ميـزانه


صلاة الله على وجه كريم وكنه القنـديل
وعلى أصحابه على اله ســلام الله ورضوانه


وغمرني بالسرور رجال دين وللحمول تشيل
عســـى الله مايجنبهم رضاه وطيب غفرانه


كفو يابو الوليد ورحلتك جيل يحــدث جيل
يمينك موت والموت بيسارك ولم احضانه


وصلت لمسـجد كلاييت سقفه ايل للميل
وعطيته وعد باذن الله ماتنهــار جدرانه


وقبايل ايجة وقلعـة فدا والمجد واهل الخيل
وسلطان الكهـوف ومنطقة بيتي وضلعانه


وعلى انامينا حثيت الركاب ولبسوك اكليل
وعلى بحر الغزال امسـيت ماخوفك وديانه


ثبات الشـامخين بمهلكة فايا تقيم الليل
وسجدت بكوبا اولنقا ســجود النصر واثمانه


نعم فيك وكفو باللي معل ياعاشــقين سهيل
حماة الدين من عابث قساوسـته وعدوانه


طواريق الطويل الشـيخ خالد ماتبي تاويل
خدم دينه ولولا نصرته مايسـرج حصانه


موصينك مشايخهم وجبت العلم بالتفصيل
معاناة الطفل والجوع والمسـجد وبنيانه


مصاحفهم شــحيحة والقلوب بنبضها ترتيل
ومدارسهم سفى من فوقهاالسـافي وطوفانه


جفاف ودمع اراملهم يسـيل ولا غشاهم سيل
بعضهـــن ضحت باكبر ولد لايعدي اخوانه


وغابوا عياله ولابه للمـحامل حيل
فدا للدين راحو ضد الاســتعمار واعوانه


وعجوز عينها وقت الغروب تغرق المنديل
خرابة بيتها صلف الهبايب شـال بيبانه


بنات مات عزوتهم معـودهم على التدليل
الى جاعت حديهـن يدمعن وتنام جيعانه


وحطام المدرسة يذبح طفل راهن على التحصيل
يبي الشعب السعودي يحتويه ويكسـب ارهانه


نبي اهل المراجل والكرم والاالبخيل بخيل
ونبي وقفة ملكنا وقفة حمياه واحســانه


نبي سلطان ابن عبد العزيز السـاطي الحلحيل
يبوخالد نبي وقفات ابوخالد بميـدانه


يبوخالد ترى بعض الالم ماتحتـمل تاجيل
ومنارات المساجد تحتريل تشـيد اركانه


ورياح خلخلت دور اليـتامى والرمال تهيل
نبيها تعود فبشــراك وتذعذع بريحانه


عتيق الثوب واعدناه للثوب السـمل تبديل
نموت ولايعايدنا طفل بكتوف عريانه


ويثبتنا المهيمن منزل القـران والانجيل
نهار به يدين رابحة وايدين خسـرانه

للشاعر



عبدالمحسن الشمري

مشكور على القصايد

مشكوور

ابداااااااااع

مشكوور والله

يعطيك العافية

يالله ياشباب ارفعو المنتدى فوووووق

مشكور على القصيدة