ܓܨ الـــشـباب راحـــو عــــ الـمـاســــــــنجـرܓܨ

السلام عليكم


اهلا وسهلا بكم

موضوعي الحقيقي ليش أصبح النقاش في نظر الكثير مجرد مكان يشبه الماسنجر في رسمه إلا انه مفضوح شوي

يعني لو تبي تسولف مع ست او سته على الخاص ويجي واحد ملقوف ويحط " غير متواجد" او "مشغول حالياً"

وانت ضاغط على انتر ويطيح الكلام .... وقتها تقول (( احم ... احم )) وتحط هالأيقونة ====>هذا معناته انك غلطان

حتى لو كان الكلام مجرد سؤال عن شي يخص الكمبيوتر او عن اي شي ثاني غير وردي كما يسميه واحد في بالي

طيب فلان من الناس هو وفلانه من الناس في صالة خاصة ... تشتكي من واحد هكر مخترق جهازها وتقول ((ياخوي)) تكفى الحقني

وش الطريقة اللي تخليني احمي جهازي وانت تحاول تساعدها .... يجيك في الخاص فوق

بشّر عطتك رقم جوالها او الى الحين انت على خبري رخمه وماعندك اسلوب

الثاني يقول تكفى اذا زبطت امورك خل تشوف لي وحده من ربعها وتكفى بسرعة دام عرض الإتصالات خمس دقايق ماانتهى

اكذب عليكم اذا قلت لكم اني ارد عليهم واقول عيب استح على وجهك ترى الكلام اللي تقوله خطير ..... الخ

بالعكس اجاريهم واضحك معاهم ويمكن هالشي اعتبره غلط

مره كنت في الرئيسية

وكانت عضوة مع عضو في صالة خاصة جلسوا مع بعض حوالي نصف ساعة وانا للمعلومية اعرف اخلاق العضوة ... ماعليها كلام

اما العضو اخلاقه زينه بس احس انه اذا ماتزوج عن قريب بيجيب العيد ههههههههههههههههههههههههههههههههههههههه

بعد نصف ساعة طلعوا مع بعض قام نقز واحد مهستر مشكلتي اني احبه ودايم ودي اتوطى بطنه <== لأحد يدقق

قال شف يا..... الشباب طلعوا عالماسنجر

والله كأنه قاط معهم ويعرف سوالفهم او وين راحوا

الحقيقة انا مت من الضحك بس بالفعل على طول يوم استرجعت قول الله جل وعلا في محكم تنزيله

﴿يا أيها الذين آمنوا اجتنبوا كثيراً من الظن أن بعض الظن إثم﴾

قلت في نفسي الله يهديه حتى لو كان قصده يمزح

اعذروني علشان مايكون الموضوع ممل

اللي حبيت اوصله

انه النقاش فيه اعضاء وعضوات بالفعل تكون ايامهم ورديه وتتطور الى درجة انه ممكن يكون بينهم تواصل محرم

او حتى خلوه غير شرعية والعياذ بالله ولكن مانعـمم على الكل على النقيض تماماً فيه أعضاء فيهم خير وعضوات لايمكن

تخون اهلها اللي عطوها الثقة وحطوا لها النت في غرفتها يبحثون عن اللي يسليها ولا يكدر دنيتها

فمن ابسط حقوقهم عليها أنها تصون شرفها وشرفهم في السر والعلن ولا تجعل سيرتهم لاسمح الله على كل لسان

اسمحوا لي الموضوع كتبته على عجاله ولا حتى دققت على النص هل هو خالي من الأخطاء او لا

كل الود للجميع

ملاحظة: لأحد يجيني يقول من هم الشخصيات اللي ذكرتهم في النقاش واللي يبيني اعلمه يحب كوعه اول

مشكوووور على الموضوع

مشكووووووووور ....

مشكور ابو بشبش

مشكور على المشاركه