يا تــاكــســي .. أكــثــر خــويـــانـــك خــربــطـــيـــشــــــــن !

بسم الله الرحمن الرحيم



السلام عليكم و رحمة الله و بركاته



عندما تكون هناك سياره تحت تصرفك فبالفعل تشعر أنك تخدم نفسك بنفسك , عفوا لن تشعر بذلك الا بعد أن تسحب السياره من تصرفك رغما عنك لعطل او غيره , و تبقى وحيدا تبحث عن تاكسي !!



بأحد المشاوير الي فقدت فيها السياره وقفت لك ليموزين و فيه واحد منسم الظاهر عمره 47-49 و يمكن 50 , المهم اخينا في الله الله يهديه مشغل هالمزيكا و الخربطيشن و اللخبطيشن , قلت له بعد ان فكرت عدة مرات اني اكلمه خخخ : الله يجزاك خير اقصر صوت الاغاني , و على طووول بدون اي مناقشه طفاه و باستجابه على طول , ثم سكتنا الا و شوي بدأ حديث غريب منه !



قالي : أسمع و أنا أخوك , ترى هذي حرام الاغاني حلال الأغاني ميب علينا هاللعبه ؟؟

أنا ببراءه : .

هو : شغالين لنا هذول الشيوخ الأغاني حرام و الأغاني كذا و كذا و هم ينافقوووون الكباااار أصلا , ليه ليه ليه يناااافقوووون الكبااار و يتفلسفون علينا ؟؟ هذول أصلا يهوووود () و ما يستحووون على وجيههم , يطلعون بالفضائيات و الراديوهات و يحرموا بكفيهم و يروحون يتمدحون في الكباريه و يدعووون لهم ليييييه وييين أحنا غشمااان لهالدرجه ؟؟؟؟ فأسمع كلامي و خل عنك الخراط الفاضي بس فالحين الاغاني حرام التلفزيون حلال !! توضيح الوضوء تعليم الوضوء !!!!!!!

أنا ببرووده توجع بالبطن : يابن الحلال ههه , الحين الي قال الأغاني حرام هم و لا شرعنا ؟

هو : ايوه ايوه بس فيه مواضيع أهم لازم يناقشوها و لازم يبطلون نفاق و كذب و دجل .



طبعا أنا ما صدقت على الله اني أوصل مشواري و حاولت اقناعه ان الانسان لازم يهتم بأمور حياته و يعرف الحلال و الحرام و يأخذ من الاشخاص الاشياء الطيبه , و مشيته على قد عقله رغم فارق السن الانتحاري بيني و بينه ! طعن في العلماء و مثل السلام عليكم , هههه يعني لو عنده شوية علم بنقول هاه عالم يتكلم عن علماء لكن المشكله واحد راعي لخبطيشن و يتكلم عن خلق الله , و المشكله انه يجمع و مااستثنى أحد من كلامه والله المستعان .





مشوار آخر و تاكسي آخر و ( دلــــــــــخ ) آخر , لكن هذي المره خويي السوداني الله يذكره بالخير يحكيها لي , ركب مره هو و العائله الكريمه تاكسي و كان أبوهم معهم لأن السياره يومها خربانه او مدري وين كانت , المهم مالنا بالتفاصيل .

طبعا كعادة سواق التاكسي لازم تكون فيه ثرثره , المهم دخل جو مع رب الأسره , و بدأ يتدخل في أمور شخصيه بس الأب يصرفه مرات على ماقالوا , المهم اخينا في الله من كثر الثرثره و طووول الكلام طلع صورة العائله الكريمه له , و قاله : شف شف شف هذا أنا , و هذه زوجتي , و هذا بنتي , و و و و و , رب الأسره أتخذ قرارا حكيما وقتها , قاله : خلاص وقف وصلنا مشوارنا .

راعي التاكسي : ياهووووووه وين انت قلت لي تبي مكان ثاني ؟

رب الاسره : لا لا خلاص وصلنا هنا هنا خلاص .

نزلت العائله الكريمه و أخذوا تاكسي ثاني , و افتكوا من انبراشات راعي التاكسي الأول و أسألته الي ما يسألها الا كوندايزا رايس و رامسفيلد و هلم جرى .



نقطه سيئه في التكاسي ( الليموزينات ):

أغلب الأوقات ربنا يكرمك و ما تحتاج لهم , و تشوفهم مثل الذر ماشاء الله تبارك الله , لكن لما تتورط و مايكون عندك وسيلة مواصلات و تنتظر بالشارع , تتلطع من ربع ساعه الى نصف ساعه الا ما ندر !!!

السؤال الأسبوعي : لـــــــــــــيـــــــــــــــــه ؟؟؟

و على فكره واحد من معارفي اضطر للخروج من عمله وطلع له كامري 2002 , و اشتغل يتكس بها وقال :الحمد لله أحصل تقريبا ثلاثة أضعاف الراتب الي كنت أحصله.

بس فيه نصيحه على ماقال أحد السوادنه من متكسين الخصوصي ( مكه ...مكه ...مكه ) , أول ما تقرب عند نقطة التفتيش و انت متكس بخصوصي أسأل ركابك عن أسمائهم , علشان اذا العسكري طول السالفه و هي قصيره تقوله يا زول هذول أصدقائي , و حتى أنا أعرفهم و هم يعرفوني , أمليك أساميهم كلهم ؟ ( بعد ما تحفظها منهم ماشاء الله ) , و لا تبغاهم يعرفوك بيا ؟

آآآآآي يا زول , و أنا اشهد أنك ذيب !



اللهم أكرمنا و أكرم جميع المسلمين بسيارات تغنينا دوما عن ( ســــطـــــــالــــــة ) سواقين التكاسي .



و السلام خير ختام



تحياتي لكم
نواف بلشرف

جزاك الله خير

جزاك الله خير

أبو داود

جزاك لله خير