وقت الازهار والفل

بسم الله الرحمن الرحيم
يا حمود هذا وقت الأزهار والفل

ما هو بوقتٍ فيه درهم ودينار

المال صار عقوبةٍ عمت الكل

إما ربا وإلا شرى خمر وسكار

خلك من اللي قلبه اصبح على تل

يومن على بالسهم وأيام ينهار

إليا ارتفع تلقى حجاجه تفلفل

وإليا رمع تلقاه قلبه على نار

عايش بهمّْ وكل ما به خبر حل

طير لسهمه قبل تمحيه الأخبار

بنكٍ مفلس بآخر الأرض يختل

توازن أهل السوقْ لو كانوا اكثار

وإن جا خبر (ماكين ) قالوا مجلجل

ينهار سوقْ وتصبح أرقامه أصفار

هذا قليبه طار والثاني إنشل

وهذاك سكته خلته غصب ينهار

المال نقمه يتعب الناس، و يمل

منه الغني ويطارده بعض الاشرار

عش للمحبة والامل وأتبع الطل

وإلا ربيعٍ يكسي الأرض نوار

ترى الحياة أيام تمضي، و تنهل

منها معينٍٍ صافيْ أو تشرب أكدار

تمضي كذا وإلا كذا ما لها حل

اصبر عليها دامها دار الأسفار

باكر بشاية خالق الكون يبتل

حلقك من أنهار الخمر عند الاخيار

تنسى التعب وتقول له بعدها ول

وتعيش في دار المحبة والابرار

للشاعر



خالد محمد الحربي

مشكوووووووووووووور ,,,,,


بعطبك العافية ,,,,,,



لاعدمناك ,,,,,,

يعطيك العافيه يا البراء